ليس الهدف من الموقع الإساءة الشخصية للمسلم أو السخرية من عقيدته.. هدفنا هو الحوار الموضوعي القائم علي إستخدام الأدلة العقلية بطريقة حيادية ومحترمة

2 يناير 2011

ينصر دينك يا بطل!


ينصر دينك يا بطل..
قتلت ناس عُزًّل كتير..

***

ستات، شيوخ وكمان عيال..
ازحت عنا خطر كبير..

***

دي ناس بتقول الله محبة..
والمحبة دي شئ خطير..

***

إقتل بطرس..
وإقتل مينا..
اللي إخواتهم
ماتوا فـ سينا
واللي ولادهم
رقصوا فـي فرحك
واللي فـ ميّتم
بيعزّينا..

***

إقتل ماري..
وطنط تريزا..
دول ناس مافيهومشي ولا ميزة
دايمًا كده يبتسموا في وشك
ويقولوا اهلاً
خطوة عزيزة

***

وإقتل برضه
عمّك حنا..
في اي خناقة
بيحوش عنّّا
غاوي يصّلح
بين الناس
ولا يمكن
يوّرد على جنّة..

***

وإقتل سامي ناجي نجيب..
اصل الإسم صراحه مريب
يمكن يطلع واحد منهم
او داقق على إيده صليب..

***

ولا اقولك...إضرب شبرا
والكيت كات وميدان الاوبرا
فجر واحدة في كل مكان
خلّي جيرانهم يصبحوا عبرة

***

لينا رب إسمه الكريم
هاييجي يوم تعرض عليه
تقف امامه و يسألك
الشخص ده عملك إيه؟
بأي ذنب تقتله
وفين ومين وإزاي وليه؟

***

إبقى قول لي يا بطل
ها ترد يومها..
وتقول إيه؟

***
1/1/2011

ليست هناك تعليقات:

Related Posts with Thumbnails